KAPUNI, KITIMTIM, REBECA KUKIWASHA NDANI YA DStv JANUARI HII!!

·      Msimu wa pili wa tamthilia ya Kapuni warejea kwa kishindo Januari 4

·      Kitimtim kuendelea kutingisha Ndani ya Maisha Magic Bongo kila Jumapili na Jumatatu saa 3:30 usiku

·      Rebeca nayo kuendelea kukiwasha ndani ya DStv ifikapo Januari 14 mwaka huu

Januari 7, 2019. Ile tamthilia kabambe ya Kapuni iliyokuwa ikionyeshwa  kupitia DStv katika chaneli ya Maisha Magic Bongo inaendelea tena baada ya kumalizika kwa msimu wa kwanza wa tamthilia hiyo mapema mwaka jana. Huu ukiwa ni msimu wa pili, wa tamthilia hiyo ambayo imeainishwa kama moja ya tamthilia maarufu zaidi katika kipindi cha mwanzoni mwa mwaka 2018 imerejea tena kwa kishindo huku ikiwa imeongezwa vionjo kadha wa kadha na pia washiriki maarufu wa filamu hapa nchini.

Tamthilia ya Kapuni huigizwa hapa nchini na waigizaji wa hapa hapa nyumbani akiwemo Jacqueiline Wolper, Kajala, Gabo Zigamba, Rommy Jones, Gigy Money na wengineo wengi.

Akizungumzia ujio wa msimu wa pili wa Kapuni, Mkuu wa chaneli ya Maisha Magic Bongo Barbara Kambogi amesema tangu kuanza kwa tamthilia hiyo ya Kapuni Mwezi Januari mwaka jana imefanikiwa kuliteka soko la tamthilia hapa nchini na Afrika Mashariki kwa ujumla.

“Kwa mara nyingine tena katika historia ya filamu na hususani tamthilila Watanzania tumefanikiwa kuiweka tasnia yetu ya uigizaji filamu katika ramani ya kanda ya Afrika Mashariki na bara zima la Afrika kwa ujumla kutokana na ufanisi wa tamthilia hii ya Kapuni ambayo inatayarishwa hapa nchini na kuigizwa na watanzania wenyewe,” alisema Barbara.

Amesema kuwa kwa ufanisi ulioonyeshwa na tamthilia hiyo katika msimu wa kwanza, tunatarajia kuwa msimu huu wa pili utakuwa wa kuvutia zaidi hasa ikizingatiwa kuwa waigizaji wote wamekwiva vizuri zaidi, vionjo vimeongezwa na pia kuongezwa kwa waigizaji wengine wapya akiwemo  Gigy Money ambaye ni miongoni mwa wanamziki na waigizaji maarufu hapa nchini.

“Sisi DStv, na hususani channeli yetu ya Maisha Magic Bongo, tumesikiliza maoni ya Watanzania wengi waliokuwa wakitutaka kuongeza maudhui ya Kitanzania, na hatimaye tukaamua kuanzisha chaneli maalum yenye maudhui kutoka Tanzania. Na sasa tunaendelea kuiboresha chaneli hii ya Maisha Magic Bongo na maudhui yake kwa ujumla hivyo watanzania wakae mkao wa kula kwani baada ya kurudi kwa msimu mpya wa tamthilia ya Kapuni Januari 4.

"Vichekesho vya Kitimtim navyo vitaanza tena kwa awamu nyingine ifikapo  Januari 6 mwaka huu sambamba na sehemu ya pili ya  tamthilia ya kusisimua  maarufu kama Rebeca ambayo itarudi rasmi tarehe 14 Januari 2019,” alisema Barbara.

Msimu huu wa pili wa tamthilia ya Kapuni unatarajiwa kuendelea kwa miezi kadhaa na kuonyeshwa kila siku ya Ijumaa, Jumamosi na Jumapili saa 3 kamili usiku nakurudiwa kila  Jumapili saa 6:30 mchana. 


Vichekesho vya Kitimtim vitakuwa vikionekana kila siku ya Jumapili na Jumatatu saa 3:30 usiku na kurudiwa siku ya Jumamosi saa kumi kamili jioni huku tamthilia ya Rebeca ikiwa inarindima hewani siku za Jumapili na Jumatatu   saa  3:30 usiku na kurudiwa kila Jumamosi saa kumi kamili jioni.

Tamthilia hizi mbili Kapuni na Rebeca sambamba na vichekesho vya Kitimtim vitapatikana katika chaneli ya Maisha Magic Bongo DStv {160} kupitia vifurushi vyote vya DStv kikiwemo kile cha DStv Bomba kwa shilingi 19,000 tu kwa mwezi !

Kujiunga nasi  piga 0657 070707 au tembelea bongoshop.dstv.com na utaweza kuhudumiwa mara moja.