MTIBWA SUGAR WAPANIA KUZIPATA POINTI TATU KWA TANZANIA PRISONS

KOCHA wa Mtibwa Sugar, Zuber Katwila amesema wamefuata pointi tatu katika Uwanja wa ugenini Sokoine mchezo huo ambao ni wa Ligi Kuu Bara.

Mtibwa Sugar watakutana na Tanzania Prison wakiwa na kumbukumbu ya ushindi wa mabao 2-0 mbele ya Azam FC, huku Prisons wakipoteza mbele ya Lipuli ya Iringa.

Katwila amesema wamejipanga sawasawa kubeba pointi tatu kutokana na morali waliyonayo wachezaji wake.

"Tupo sawa kwa ajili ya mchezo wetu wa Ligi Kuu dhidi ya Tanzania Prisons, kikubwa ambacho tunaangalia ni namna ya kufanikiwa kubeba pointi tatu tukiwa ugenini.

"Hakuna timu nyepesi wala ngumu kwenye ligi cha muhimu ni kujiamini kwa wachezaji na kutafuta matokeo, tutapambana ili kuweza kujiweka nafasi nzuri kwenye ligi," alisema Katwila.