YANGA KIBARUANI LEO, UONGOZI WAZUNGUMZIA UWEZO WA KIKOSI CHAO ZANZIBAR

MENEJA  wa Yanga, Nadri Haroub 'Canavaro' amefurahishwa na kiwango cha wachezaji wake wa Yanga ambao walicheza katika mchezo wa kombe la Mapinduzi dhidi ya Azam FC, licha ya kufungwa mabao 3-0.

Yanga ina pointi tatu katika mashindano ya Mapinduzi leo itakuwa na mchezo mwingine tena dhidi ya Malindi utakaochezwa Uwanja wa Amaan, Visiwani Zanzibar.

Canavaro amesema kuwa kikosi chake hakikuwa na bahati ya kushinda licha ya kucheza vizuri kwenye mchezo huo.

"Wachezaji walicheza vizuri ila walizidiwa mbinu na wapinzani kwa kuwa walikuwa na uzoefu ukizingatia kikosi chetu kilikuwa na wachezaji wengi vijana, tutapambana katika michezo yetu mingine," alisema.