AZAM FC: TUTAISHANGAZA SIMBA UHURU

OFISA Habari wa Azam FC, Jaffary Maganga amesema kuwa kikosi chao kipo imara kuelekea mchezo wao dhidi ya Simba utakaochezwa Jumatatu uwanja wa Uhuru majira ya saa 10:00.

Azam FC watakaribishwa na Simba wakiwa na kumbukumbu ya kupoteza mchezo wao uliopita uliochezwa uwanja wa Taifa kwa kufungwa mabao 3-1.

Maganga amesema kuwa maandalizi ya kikosi yapo sawa na wana imani ya kufanya viuri kutokana na kuwa na benchi la ufundi lenye mbinu za kutosha.

"Wachezaji wetu wapo vizuri na wana morali ya kutosha kupambana, kila mmoja ataonyesha uwezo hivyo ni suala la kusubiri.

"Tumewaongezea mikataba wachezaji wetu muhimu ikiwa ni pamoja na Yakubu Mohamed ambaye ni beki kisiki kutokana na uwezo wake tunaamini italeta upambanaji kwa wachezaji hivyo mashabiki waendelee kutupa sapoti," amesema Maganga.