LIGI YA MABINGWA KESHO NI BALAA, MAKOCHA WATAMBIANA

MENEJA wa Tottenham Hotspurs, Mauricio Pochettino amesema kesho ni muda wake wa kuandika historia mpya na vijana wake kwenye mchezo wa fainali ya Ligi ya Mabingwa Ulaya dhidi ya Liverpool

Pochettino amesema anachohitaji ni ushindi na kutwaa kombe hilo ili kujiwekea heshima kwani furaha imejificha kwenye mafanikio.

"Sio kushinda pekee ambako tunafikiria bali kutwaa kombe jambo ambalo ni la muhimu kwetu, vijana wangu wapo tayari ni jambo la kusubiri wakati hakuna haja ya kuwa na haraka," amesema.

Meneja wa Liverpool, Jurgen Klopp amesema kuwa anafikiria kitu kimoja kichwani mwake hicho ndicho atakachokifanya kesho akiwa na wachezaji wake.

"Nimeshindwa kufanya vizuri mara nyingi kwenye fainali zangu kwa kuwa sikuwa na wachezaji wenye uzoefu ila kwa sasa nafikiria kitu kimoja tu kichwani kila ninapolala hicho ndicho nitakachokifanya kesho,amesema,.

Fainali ya kesho itakuwa ni ya aina yake kutokana na timu zote mbili kukutana zikiwa zinatokea England pia kila mmoja kutinga hatua ya fainali alipindua meza kibabe kwa mpinzani wake