KCM: AS KIGALI TUNAMALIZANA NAO BONGO JUMLAJUMLA

JACKSON  Mayanja Kocha Mkuu wa KMC amesema kuwa sare tasa waliyoipata mbele ya AS Kigali ya Rwanda itajibiwa kibabe Dar.

Jana KMC, ilitupa karata yake ya kwanza kwa kucheza na AS Kigali na ubao kusoma 0 kwa wenyeji AS Kigali pamoja na wageni KMC.

Mchezo wa marudio unatarajiwa kuwa kati ya Agosti 23-25 jiji Dar.

Akizungumza na Saleh Jembe, Mayanja amesema kuwa wachezaji walijituma kutafuta matokeo wamekutana na ushindani mkubwa hivyo wanajipanga mchezo ujao.

“Mchezo ulikuwa mgumu na kila mchezaji amefanya kile ambacho nimemuelekeza licha ya kutopata matokeo jambo jema ni kwamba hatujafungwa.

"Kwenye marudio tutapambana kupata matokeo chanya kwani tutakuwa nyumbani na sapoti kubwa ya mashabiki," amesema.