SABABU ZA VIFUA VIWILI KUTUA NCHINI SERBIA KUPAMBANA ZATAJWA

ALMIN Kuc, Meneja wa bondia Mserbia Scheka Gurdijeljac ambaye atashuka ulingoni kwenye pambano la kimataifa litakalokuwa na raundi 12 la kimataifa dhidi ya Mtanzania Bruno Tarimo, maarufu kama Vifua Viwili.

Pambano hilo linatarajiwa kuchezwa Agosti 31 nchini Serbia ukumbi wa Hala Pendik Novi Pazar  litakuwa ni la kukata na shoka.

Akizungumza na Saleh Jembe Meneja wa Scheka ambaye ni bondia raia wa Serbia amesema kuwa sababu kubwa ya kumchagua Vifua Viwili ni uwezo wake alionao pamoja na kiu ya mafannikio iliyojificha kifuani mwake.

“Tumefanya mawasiliano na Meneja wa Bruno kutokana na uwezo wake alionao kwenye boxer pia ni mpambanaji ambaye uwezo wake unavutia akiwa ndani ya ulingo.

“Imani yetu ni kuona pambano kali na la haki mshindi atapatikana bila ubaguzi kwani  tunajua atatoa changamoto kubwa kwa bingwa wetu, Scheka matumaini yetu kuona yule atakayepambana ndiye atakayeshinda,” amesema Kuc.