SASA NDIYO MTAMJUA PEPE

STRAIKA wa zamani wa Arsenal, Robin van Persie amemsifia Nicolas Pepe baada ya kufunga mabao mawili katika ushindi wa mabao 3-2 dhidi ya Vitoria.

Mabao hayo ni kama yameamsha hoja juu ya ubora wa mchezaji huyo ambaye alisajiliwa mwanzoni mwa msimu huu kwa pauni milioni 72 lakini amekuwa na maisha magumu uwanjani kwa kuonekana anashindwa kucheza katika ubora uliotarajiwa.

Tangu asajiliwe kutoka Lille, alikuwa amefunga bao moja tu, hivyo sasa amefikisha mabao matatu. Mabao yote ya juzi alifunga kwa njia ya faulo.

Wachambuzi wengi walikuwa wakimkosoa Pepe kutokana na kuonekana ameshindwa kuishi katika thamani yake lakini Van Persie anaamini huu unaweza kuwa mwanzo wake kufanya vizuri.

“Hii ni siku yake, huu ni wakati wake, unaweza kuona ambavyo ameonyesha kuwa na ubora wa kufanya maamuzi, kwa haraka, naamini baada ya usiku huu (juzi) tutaanza kumuona Pepe tofauti,” alisema Van Persie.

Alipoulizwa kuhusu kiwango cha mchezaji wake, Kocha wa Arsenal, Unai Emery alisema: “Ni muhimu kwake, anapofunga anaongeza kitu. Amepata muda wa kucheza, na ametusaidia kupata ushindi. Kuna wachezaji wanahitaji muda kuonyesha ubora wao.”

Kuhusu Pepe, nahodha wa timu hiyo Granit Xhaka alisema: “Tunafurahia anachokifanya, kila kitu kilikuwa kipya alivyokuja, katika mechi mbili au tatu zilizopita ameonyesha mabadiliko na tunaamini atakuwa bora