MWAKINYO KUTOA TIKETI 500 BURE KWA MASHABIKI WAKE, MASHARTI YAKE YAPO HIVI

BONDIA wa ngumi za kulipwa nchini Tanzania, Hassan Mwakinyo, leo Jumapili kwa mara ya kwanza atakutana uso kwa uso na mpinzani wake, Mfilipino, Arnel Tinampay kwa lengo la kuelezea pambano lao litakalofanyika Novemba 29, mwaka huu. 

Mwakinyo na Tinampay wanakutana

leo kwenye viwanja vya Leaders kwa ajili ya kupima uzito na kutambiana kuelekea katika pambano hilo litakalofanyika kwenye Uwanja wa  Uhuru, Dar.

  Hata hivyo, hii itakuwa ni kwa mara ya kwanza kwa mabondia hao kukutana uso kwa uso kabla ya pambano, lakini pia imeelezwa kuwa mabondia hao watafanyiwa vipimo vya kuwaangalia kama hawatumii dawa za kusisimua misuli kabla ya kupanda 

ulingoni.

 Promota wa pambano hilo, Juma Msangi, ‘Jay Msangi’ amesema kuwa mabondia hao watakutana

na amethibitisha Mwakinyo kutoa tiketi 500 kwa mashabiki wa kwanza watakaofika uwanjani hapo. 

“Mabondia wote watakutana kwenye viwanja vya Leaders ili wakamilishe zoezi la kupima uzito na kutambiana wakiwa katika eneo la wazi, lakini Mwakinyo ameahidi kutoa tiketi 500 kwa mashabiki 500 wa mwanzo ili waweze kumuunga mkono katika pambano hilo,” amesema Msangi.