KIBADENI ASEMA JKT RUVU WANAWEZA KUFANYA VIZURI ZAIDI, LAKINI....

Kocha Mkuu wa muda wa JKT `Ruvu, Abdallah Kibadeni amesema kikosi chake kinaweza kuwa bora zaidi ya sasa, lakini bado kinahitaji muda.

JKT jana imeanza kuonyesha makali baada ya kuitandika Ndanda FC kwa mabo 3-1 ikiwa nyumbani kwao Nangwana Sijaona, Mtwara.

“Timu inaanza kuimarika, lakini haiwezi kuwa imara kwa kiwango cha juu kabisa ndani ya siku hizi chache. Lazima tunahitaji muda ili kuendelea kufanya vizuri,” alisema Kibadeni.

“Mchezo wa soka kila siku unajifunza, tunaweza kuendelea kufanya vizuri, wakati mwingine tukaporomoka halafu tukajifunza na kuendelea kwenda mbele, hivyo muda ni muhimu sana.”

Kibadeni aliingia JKT baada ya timu hiyo kuamua kuachana na Fred Felix Minziro kutokana na mwendo wa kikosi hicho kuwa wa kusuasua ile mbaya.