DI CANIO APEWA NAFASI YA O'NEILL SUNDERLAND

Muda mchache baada ya kumtimua kocha wake, Martin O’neill, Sunderland imeanza mazungumza na Paolo di Canio.

Di Canio, kocha wa zamani wa Swindon Town, ndiye anayepewa nafasi kubwa ya kuchukua nafasi ya O’Neill.

Taarifa zinaeleza di Canio amefanya mazungumzo na mmiliki wa Sunderland, Ellis Short ambaye alikuja hapa nchini na kuanzisha uhusiano na Simba.

Mazungumzo ya Short na di Canio raia wa Italia mwenye miaka 44, yamefanyika jijini London mchana huu na dalili zinaonyesha huenda akachukua nafasi hiyo ya kuikoa Sunderland ambayo inasuasua kwenye msimamo wa ligi.

Kama watakuwa wamekubaliana, bosi huyo wa zamani wa Swindon ataanza kazi wakati Sunderland ikiivaa Chelsea katika Ligi Kuu England Jumamosi ijayo.