Uongozi
wa Libolo ya Angola wameonyesha wako tayari kumsajili kiungo mshambuliaji
Mrisho Ngassa hata kabla ya mechi yao ya kesho dhidi ya Simba.
Libolo
wameonyesha wana mchechezo baada ya kusisitiza wanamtaka Ngassa mara baada ya
kutua katika jiji la Luanda lakini wakafanya hivyo baada ya Simba kuwasili
katika mji wa Calulo ambako ni makao makuu ya timu hiyo.
Katika
mazungumzo yake na Poppe, Correia alisema wanataka kuzungumza na uongozi wa
Simba lakini mwenyekiti wa usajili wa Simba, Zacharia Hans Pope amesisitiza
mara zote, hilo litafanyika baada ya mchezo.
Ngassa
alianza kuwavutia Waangola hao katika mechi ya kwanza wiki mbili zilizopita
kwenye Uwanja wa Taifa Dar na Simba ikalala kwa bao 1-0.
Simba
iko tayari ya mchezo wa marudiano mjini humo, jana jioni ilifanya mazoezi
kwenye uwanja tofauti lakini kesho lazima ifanye katika uwanja wa Estadio
Municipal De Calulo ambao utachezewa mechi hiyo kesho Jumapili.
Ikiwa
Angola, Simba itamkosa kiungo wake Haruna Moshi ‘Boban’ ambaye aligua malaria
na kuachwa jijini Dar wakati meneja wake, Moses Basena yeye amerejea kwao
Kampala, Uganda kwa kuwa mkewe ni mgonjwa.
0 COMMENTS:
Post a Comment