DI CANIO KOCHA MPYA SUNDERLAND, MAKAMU MWENYEKITI AMKIMBIA

 

 David Miliband (kulia), ameachia ngazi nafasi ya makamu mwenyekiti.

Paolo di Canio ametangazwa kuwa kocha mpya wa Sunderland lakini Makamu Mwenyekiti wa klabu hiyoo, David Miliband ametangaza kujiuzulu.

Milband amejiuzulu na kusema ameamua kufanya kazi za kusaidia jamii jijini New York, Marekani lakini habari kutoka ndani ya klabu hiyo zimeeleza amemkimbia di Canio raia wa Italia.

Mwaka 2005 huyo aliwa kusema yeye ana mwanasiasa wa kifashisti na wala si mbaguzi wa rangi.

Miliband alisema: “Nawatakia Sunderland AFC kila la kheri katika mechi zao saba zilizobakia, ninaamini watapambana na kufanya vizuri. Ilikuwa ni sehemu nzuri kwangu lakini wakati umewadia.”

Pamoja na kujiuzulu kwa Miliband lakini mmiliki wa klabu hiyo, Ellis Short anaonekana kumuamini di Canio kuwa ataiongoza Sunderland kukweka kuteremka daraja.

Paolo Di Canio

 

Di Canio amechukua nafasi ya Martin O'neill aliyetimuliwa kutokana na mwenendo mbaya wa timu yake katika Ligi Kuu England, mechi yake ya mwisho ni pale ilipolala kwa bao 1-0 dhidi ya Man United.