STEWART HALL, DUNGA WA BRAZIL WAGOMBEA NAFASI YA KUINOA UGANDA

Kocha wa zamani wa Brazil, Dunga na Kocha Mkuu wa Azam FC, Stewart Hall ni kati ya makocha wanaowania kazi ya kuinoa timu ya taifa ya Uganda, The Cranes.

Aliyekuwa Kocha Mkuu wa Uganda, Bobby Williamson alitupiwa virago hivi karibuni baada ya timu hiyo kupoteza mchezo wake dhidi ya Liberia kwa kufungwa mabao 2-0 mjini Monrovia.

Tokea kuondoka kwa Williamson, makocha kibao wakiwemo wale maarufu waliowahi kuzinoa Ivory Coast na timu nyingine kubwa wamekuwa wakiomba nafasi.

Pamoja na hao, Kocha Mkuu wa zamani wa Yanga, Tom Saintfiet naye ametupa karata yake ikiwa ni siku chache baada ya kuachia kibarua chake cha kuinoa Yemen.

Vyombo vya habari vimekuwa vikielezea namna makocha wakubwa wamekuwa wakiitaka kazi hiyo kwa udi na uvumba.

Listi ya makocha hao hasa wale maarufu ni hawa wafuatao. Guiseppe Dossena (Italy), Kavazovic Nikola (Serbian), Tom Saintfiet (Belgian), Raoul Savoy (Spain), Tomislav Obradovic (Croatia), Momcilo Medic (Serbia), Stewart Hall (English), Vahid Halilhodzic (Algeria), Carlos Dunga (Brazil).