ANGALIA NAMNA BOBAN ALIVYOMCHAMBUA BEKI MPYA MGANDA WA SIMBA...

Kazi ya beki ni kumzuia mshambuliaji asifanye au kuleta madhara langoni mwake, lakini Samwel Ssenkoomi alishindwa kufanya hivyo wakati akiwa URA.

URA ya Uganda iliivaa Simba jijini Dar es Salaam na kiungo mshambuliaji wake wakati huo, Haruna Moshi ‘Boban’ alikuwa tatizo kubwa kwa beki huyo Mganda.

Pamoja na kumtoka mara kadhaa, lakini Boban alifanikiwa kupiga krosi kadhaa baada ya kumtoka Ssenkoomi wakati wa mechi hiyo ya Kombe la Kagame kwenye Uwanja wa Taifa jijini Dar es Salaam kama picha zinavyoonyesha.

Ssenkoomi sasa amejiunga na Simba akitokea URA wakati Boban ameondoka Simba na kwenda kujiunga na Coastal Union ya Tanga atakayoitumikia msimu ujao.

Huenda wawili hao wakakutana tena kwa mara nyingine katika mechi mbili za msimu ujao.