BEJI YA MMILIKI WA SUNDERLAND AKIWA NA RAIS KIKWETE YAZUA MJADALA

Beji aliyokuwa ameivaa mmiliki wa Sunderland, Ellis Short wakati akimkaribisha Rais Jakaya Kikwete katika klabu yake imezua mjadala nchini Uingereza.

Beji hiyo yenye maneno FTM ni maarufu kama sehemu ya kuwadhihaki wapinzani wakubwa wa Sunderland klabu ya Newcastle.

Lakini vyombo vya habari vimeichambua kama beji hiyo hiyo, dhihaka zake ni za matusi hivyo haikuwa sahihi Short kuivaa wakati akimtambulisha mambo kadhaa ya klabu yake Rais Kikwete.

Maelezo ya mtandao mmoja wa Uingereza yameeleza, imefikia wakati watoto wanapotaka kununua beji hiyo au wakiulizia maana yake katika duka la kuuza vifaa vya Sunderland wamekuwa wakibadilishiwa maana.

Lakini Short aliwahi kununua sita kutoka katika duka hilo na kuahidi kuwa anazivaa katika sehemu maalum na inaonekana moja wapo alichangua hiyo alipokutana na Rais Kikwete.

Beji hiyo ya FTM imekuwa ikitumika kama dhihaka kwa Newcastle ambao ndiyo wapinzani wakubwa wa Sunderland kwa kuwa timu zote zinatokea mji mmoja wa Sunderland.

Rais Kikwete ambaye aliwaunganisha Simba na club hiyo, siku chache zilizopita alikuwa mjini Newcastle kutembelea klabu hiyo ya Sunderland.

Hata hivyo kumekuwa na mkanganyiko katika suala hilo kwani Mhariri wa jarida la NUFC, linalomilikiwa na Newcastle, amewataka mashabiki wa Newcastle kutomlaumu Short.

Steve Wraith ambaye ni mhariri mkuu wa NUFC, maana hasa ya FTM ni “Follow The Mackems”, ikiwa ni maana ya nendeni mkapambane na Mackems na si vinginevyo.

“Lakini maana hiyo imebadilishwa na kuwa kama tusi, lakini si kweli. Hivyo sioni kama kuna sababu ya mashabiki wa Newcastle kuanza kupambana na Short katika hilo,” alisema Wraith