LEBRON APIGA POINTI 37 KUIPA MIAMI HEAT UBINGWA WA PILI MFULULIZO WA NBA

Mkali LeBron James alipiga pointi 37 na kuisaidia timu yake ya Miami Heat kushinda kwa mara ya pili mfululizo ubingwa wa NBA.

Katika mechi hiyo kali ya fainali dhidi ya San Antonio Spurs, mwisho Heat waliibuka na ushindi wa pointi 95-88.

Katika mechi za awali, Spurs walionekana kuwa na nafasi zaidi ya kuwa mabingwa lakini Heat waliendelea kupambana hadi kulazimisha kufikia mechi ya saba ya fainali.

Katika mechi hiyo ya leo alfajiri, Lebron pamoja na kufunga pointi 37, lakini alipata rebound 12 na kuimaliza kabisa Spurs.

Baada ya kucheza vizuri namna hiyo, Lebron alitunukiwa tuzo ya mchezaji bora maarufu kama MVP kwa mara ya pili mfululizo.

Spurs ilianza kuongoza kwa pointi 11-4 na kuonyesha ilikuwa imepania kuchukua ubingwa lakini Heat hasa Lebron na Wade walicharuka na kubadili mambo hadi ikafikia 72 kwa Heat na 71 kwa Spurs wakati wanaanza robo ya nne ambayo ilikuwa inasubiriwa kutoa majibu ya nani bingwa.