BOCCO AIKOSA MECHI YA KWANZA UFUNGUZI WA LIGI KUU DHIDI YA MTIBWA

Mshambuliaji John Bocco wa Azam FC ataikosa mechi ya kwanza ya ufunguzi wa Ligi Kuu Bara dhidi ya Mtibwa Sugar.

Bocco ataikosa mechi hiyo itakayopigwa Jumamosi, Azam FC ikiwa ugenini dhidi ya wenyeji wake Mtibwa Sugar.

Kocha Msaidizi wa Azam FC, Kali Ongala, amesema kuwa kutokana na majeraha aliyoyapata katika mechi dhidi ya Yanga kuwania Ngao ya Jamii, atalazimika kutocheza.

 “Bocco hataweza kucheza mechi hiyo, ila tumejiandaa vema kuhakikisha tunaanza ligi vizuri,” alisema Ongala.

 “Tutaondoka Dar Ijumaa kwenda Morogoro kwa ajili ya mechi hiyo,” alisema Kali aliyechipukia kisoka katika timu ya Abajalo ya Sinza na kufanikiwa kujenga jina akiwa Yanga kabla ya kwenda Sweden kucheza soka la kulipwa.