CHUJI AWAONYA WENZAKE KATIKA KIKOSI CHA YANGA

Kiungo wa Yanga, Athuman Idd ‘Chuji’ ameonyesha kuridhishwa na hali ya kujituma kwa wachezaji wenzake wa timu hiyo, lakini akawashushia onyo kali kabla ya kuanza kwa Ligi Kuu Bara msimu wa 2013/2014, unaoanza kesho Jumamosi.

Yanga itafungua pazia la ligi hiyo kesho kwa kukipiga dhidi ya Ashanti kwenye Uwanja wa Taifa jijini Dar.

Chuji alisema hana mashaka juu ya uwezo wa kikosi hicho, lakini amewataka nyota wenzake wa timu hiyo kuwa makini katika michezo yao kwa kuwa kila mechi watakayocheza ni kama fainali.

“Najua jinsi gani tunavyokuwa tunakamiwa katika ligi, hii imekuwa ikijitokeza katika kila mchezo, sasa ni lazima mimi na wenzangu tujiandae kwa hali hiyo, tuna timu nzuri lakini kama hatutaonyesha juhudi itakuwa ni kazi bure,” alisema Chuji.

SOURCE: CHAMPIONI