MOURINHO AENDELEA KUMFUATILIA ROONEY BILA KUCHOKA

Kocha wa Chelsea, Jose Mourinho ameahidi ataendelea kumfuatilia na kutaka kumsajili mshambuliaji wa Man United, Wayne Rooney.

Mourinho amesema ataendelea kufanya hivyo hadi dirisha la usajili litakapofungwa.

“Baada ya hapo itajulikana kama tumefanikiwa kumsajili au la, lakini ni mchezaji ambaye tunamhitaji na Chelsea ni sehemu mwafaka kwake,” alisema Mourinho.

Jana, Mourinho aliiongoza Chelsea kuanza msimu vizuri kwa ushindi wa mabao 2-0 dhidi ya Hull City.

Mourinho amekuwa akiendeleza juhudi zake za kumnasa Rooney ambaye anaonekana kutokuwa na maisha mazuri ndani ya Man United.

Hata hivyo, Rooney alicheza katika mechi kati ya Man United dhidi ya Swansea na kutoa basi za mabao mawili yaliyozaa ushindi wa 4-1.