AZAM FC WATUMA SALAMU KWA MAAFANDE WA PRISONS

 

KALI WAKATI AKIICHEZEA AZAM...

Kocha Msaidizi wa Azam FC, Kally Ongala amesema wamejiandaa vya kutosha kwa ajili ya kukabiliana na wapinzani wao Tanzania Prisons.

Azam wanatarajiwa kuvaana na Prisons keshokutwa Jumapili katika mechi ya Ligi Kuu Bara mechi itakayochezwa kwenye Uwanja Sokoine Mkoani Mbeya.

Kocha huyo alisema kuwa kikosi kipo fiti kwa ajili ya mechi hiyo, hivyo mashabiki watarajie kupata matokeo mazuri.

“Wachezaji wote wana afya njema na wapo tayari kwa ajili ya kukabiliana na wapinzani wetu, hivyo mashabiki watarajie kupata matokeo mazuri kutokana na maandalizi tuliyofanya,” alisema Ongala.