MYAMA SIMBA AFANYA UNYAMA KWA MGAMBO UWANJA WA TAIFA

Amis Tambwe kazini.

Haruna Chanongo.

Simba SC wakishangilia moja ya bao.

 Mnyama Simba ameamka, leo amefanya mauaji kwenye Uwanja wa Taifa jijini Dar baada ya kuishindilia Mgambo kwa mabao 6-0.


Mrundi Amis Tambwe ameibuka na kufunga mabao manne huku mengine yakifungwa na Haruna Chanongo na beki wa Mgambo akajifunga moja.

Mgambo walionekana kuuanza mchezo kwa kasi lakini wakazidiwa na kasi ya Simba ambayo ilikwenda mapumziko ikiwa na mabao manne.


Katika mechi iliyopita, Simba iliifunga Mtibwa Sugar kwa mabao 2-0 kwenye Uwanja huo.
Mashabiki wa Simba walikuwa wanashangilia kwa nguvu muda wote huku wakiwadhihaki Yanga ambao timu yao ilitoa sare ya pili mfululizo mjini Mbeya dhidi ya Prisons.


Pamoja na kushinda, Simba ilicheza kwa kasi kubwa huku wachezaji wake wakionyesha kujiamini na kuwapa wakati mgumu wageni wao.

Sasa Simba imefikisha pointi 10 na kukaa kileleni baada ya kushinda mechi tatu na kutoa sare moja.