SOMA KOCHA WA AZAM FC ALIVYOZICHAMBUA SIMBA, YANGA KESHO

Kocha wa Azam FC, Stewart Hall amezichambua Simba na Yanga, lakini akaeleza sababu mbili zitakazokinufaisha kikosi cha Yanga katika mchezo baina ya timu hizo keshokutwa Jumapili kwenye Uwanja wa Taifa, Dar.

Stewart ameliambia gazeti hili kuwa, vikosi vya Simba na Yanga vina tofauti kubwa, ambapo Wekundu hao bado hawajafanikiwa kucheza vema, jambao ambalo vinaweza kuwapa wakati mgumu katika mechi hiyo ya Ligi Kuu Bara.

“Timu zote ni nzuri, lakini Simba naiona kama mpya yenye vijana wengi na kocha mpya, mpaka sasa bado hawajaweza kufikia ubora ule unaotegemewa na wengi,” alisema Stewart na kuongeza:

“Ukiiangalia Yanga wachezaji wao ni wenye uzoefu mkubwa, lakini wapo pamoja kwa muda mrefu, kifupi ni kwamba wanajuana vizuri, kama watatumia faida hiyo ndiyo nasema inaweza kuwapa matokeo mazuri katika mechi hiyo.”