AIRTEL YATANGAZA KUINGIA USHIRIKIANO NA MANCHESTER UNITED

Kampuni ya mawasiliano ya Airtel Tanzania imetangaza ushirikiano na klabu ya mpira wa miguu ya Manchester United ya nchini Uingereza utakaowezesha wateja wa kampuni hiyo kujishindia safari za kwenda kushuhudia mechi za klabu hiyo moja kwa moja (live) katika uwanja wa Old Trafford.

Ushririkiano huo ulienda sambamba na uzinduzi wa promosheni ya kampuni hiyo ijulikanayo kama ‘Mimi Ni Bingwa’ inayolenga kuwazawadia wateja zaidi ya shilingi milioni 500.

Akizungumza wakati wa hafla ya uzinduzi wa promosheni hiyo jijini Dar es Salaam leo, Mkurugenzi Mtendaji wa Airtel Tanzania, Sunil Colaso alisema ubia huo mpya unadhihirisha nia ya kampuni ya kufurahisha na kutoshereza mahitaji ya wateja wake.

 

MENEJA UHUSIANO WA MAN UNITED, MICHAEL HIGHAM AKIZUNGUMZA LEO

MKURUGENZI WA MICHEZO, LEONARD THADEO AKIZUNGUMZA (KUSHOTO)

“Kampuni ya Airtel Tanzania leo hii inatangaza rasmi kuingia ubia mpya ambao umelenga kuwapatia wateja wetu fursa za kuangalia mechi za timu ya Manchester United moja kwa moja(live) katika uwanja wa Old Trafford. Tunafuraha kushirikiana na Manchester United, moja ya klabu kubwa katika historia ya mpira wa miguu duniani.

Aidha, mgeni rasmi katika hafla hiyo, Mkurugenzi wa Idara ya Maendeleo ya Michezo wa Wizara ya Habari,  Vijana Utamaduni na Michezo, Leonard Thadeo wakati wa hafla hiyo aliipongeza kampuni ya Airtel kwa kuendelea kusaidia maendeleo ya sekta ya michezo nchini.

 

BOSI MKUBWA KABISA WA AIRTEL NCHINI, SUNIL COLASO AKITOA NENO LAKE LEO

RAIS WA TFF, JAMAL MALINZI NAYE ALIZUNGUMZA

UJUZI

COLASO AKIMKABIDHI JEZI THADEO, MALINZI ANASHUHUDIA

 “Nachukua nafasi hii kuishukuru kampuni ya Airtel Tanzania kwa jitihada zake za kuendelea kusaidia maendeleo ya michezo nchini hususani Airtel Rising Stars ambayo imeibua vipaji kama Serengeti Boys na Timu ya Tanzanite kwa wasichana ambao wamekuwa wakiiwakilisha nchi vizuri katika michezo ya kimataifa,” alisema Thadeo.