DORTMUND YAITUNGUA BAYERN TATU MTUNGI, GUARDIOLA FULL KUJITETEA

Licha ya kwamba tayari Bayern Munich ni mabingwa tena wa Ujerumani, lakini Borussia Dortmund hawajajali hilo, wamewapa kichapo cha mabao 3-0.

Katika mechi hiyo ya Bundesliga, licha ya mabingwa hao wa Ujerumani na Ulaya kuwa wako nyumbani, Alianz Arena, wamekumbana na kipigo hicho cha aibu ambacho kinakuwa ni cha pili kwao msimu huu.

Kocha wao, Pep Guardiola amekiri kuwa walicheza chini ya kiwango isipokuwa dakika 10 tu za mwisho za mchezo huo.

Henrikh Mkhitaryan ndiye alifungua milango kwa kufunga bao katika dakika ya 20 baada ya kupokea pasi ya Marco Reus ambaye alifunga la pili baadadaye kabla ya Jonas Hofmann kushindilia msumari wa mwisho.