HATMA YA MWAMUZI WA YANGA VS MGAMBO, WIKI IJAYO

Hatma ya mwamuzi aliyechezesha mechi kati ya Yanga na Mgambo JKT, Alex Mahagi, inatarajiwa kujulikana wiki ijayo baada ya Kamati ya Maadili kujadili matukio yaliyotokea kwenye michezo ya Ligi Kuu Bara.

Mwenyekiti wa Chama cha Marefa wa Soka Tanzania (Frat), Mwalimu Nassoro amesema kamati ya Maadili itakutana kujadili masuala yote yanayohusu michezo ya ligi kuu, pia kupitia malalamiko na kuyatolea maamuzi.

“Hata hilo suala la mwamuzi aliyechezesha mchezo wa Mgambo na Yanga tutalijadili kwa kupitia mkanda wa video wa mechi hiyo ili kubaini yaliyotokea,” alisema Nassoro.

Mgambo ilishinda mabao 2-1 katika mechi hiyo iliyopigwa kwenye Uwanja wa Mkwakwani, Tanga, huku mchezaji Mohammed Neto wa Mgambo akitolewa uwanjani kwa kadi nyekundu kwa kosa la kubishana na mwamuzi.