BREAKING NEWS: MAALIM GURUMO AFARIKI DUNIA

Mwamuziki mkongwe wa dansi nchini, Maalim Gurumo amefariki dunia leo jijini Dar es Salaam.

Taarifa za awali zimeeleza Gurumo alianguka chooni leo mchana katika wodi aliyokuwa amelazwa katika Hospitali ya Rufaa ya Muhimbili.

Baadaye alichukuliwa na kupatiwa matibabu lakini hali ilizidi kuwa mbaya kabla ya mauti kumkuta mkongwe huyo aliyekuwa shabiki mkubwa wa Simba.
Pamoja na kupita bendi mbalimbali, Gurumo alikuwa gwiji katika bendi ya Msondo Ngoma kwa kipindi cha zaidi ya miaka kumi.

Gurumo amefariki dunia baada ya kuugua kwa muda mrefu na mmoja wa wanamuziki wa benchi hiyo, Said Mabela amethibitisha.

Taarifa kuhusiana na utaratibu wa mazishi tunaendelea kufuatilia.

MWENYEZI MUNGU AMLAZE MAHALI PEMA.