JULIO ATAKA URAIS SIMBA HUKU AKIINOA MWADUI

Hakika Julio ana ana mambo! Huyu jamaa bana, kwa makeke, utampenda tu. Mgombea Umakamu wa Rais wa Simba, Jamhuri Kihwelo ‘Julio’, amesema hata kama atashinda katika uchaguzi, bado ataendelea kuwa kocha wa Mwadui FC.

Kauli ya Julio inamaanisha kuwa ikiwa atashinda uchaguzi, basi atakuwa Makamu wa Rais wa Simba, wakati huohuo akiwa kocha wa timu hiyo ya Mwadui, Shinyanga inayoshiriki Ligi Daraja la Kwanza.

Julio amesema taaluma yake ni ukocha, hivyo kamwe hataiacha na badala yake ataendelea nayo katika kipindi chote cha maisha yake.

Julio amesisitiza kuwa, hashindwi kuiongoza Simba huku akiifudisha Mwadui katika kipindi kimoja, ambapo amedai kuwa atatenga muda vizuri kwa aijili ya kutimiza majukumu yake yote mawili.

“Hilo swali alitakiwa aulizwe (Ismail Aden) Rage, ambaye yeye ndani ya kipindi kimoja anaongoza sehemu mbili, kuwa mbunge na kuwa mwenyekiti wa Simba.

“Nikiongoza Simba na nikiendelea kuifundisha Mwadui kuna ubaya gani? Wapo viongozi wengi wa Simba wanaofanyakazi mara mbili, iweje nishindwe mimi? Mimi nitaendelea kufundisha milele,” alisema Julio.