KUAMBIANA KUAGWA LEADERS, KUZIKWA MAKABURI YA KINONDONI LEO

Msanii wa Bongo Muvi, Adam Phillip Kuambiana ataagwa na kuzikwa leo jijini Dar es Salaam.

Kuambiana aliyekuwa amechukua chati kwa waongoza filamu, alifariki ghafla baada ya kuzidiwa siku tatu zilizopita.

Kwa mujibu wa Mwenyekiti wa Bongo Muvi, Steve Nyerere, maandalizi ya kumuaga yamekamilika na itakuwa kwenye Viwanja vya Leaders.

“Baada ya hapo, msafara utaongoza kwenda makaburi ya Kinondoni tutakapomhifadhi ndugu yetu,” alisema Nyerere.

Kuambiana alifariki dunia akiwa njiani kupelekwa hospitali baada ya kuzidiwa ghafla.