MASIKINI SUAREZ, PAMOJA NA KUWA KWENYE KITI CHA MATAIRI ASISITIZA ANATAKA KUCHEZA KOMBE LA DUNIA

Pamoja na hofu hasa baada ya kuonekana akiwa kwenye kiti cha wagonjwa cha magurudumu, Luis Suarez ameendelea kusisitiza atacheza Kombe la Dunia.

Daktari wa timu ya taifa ya Uruguay, Alberto Pan atazungumza leo na kueleza nini kitatokea kwa Suarez lakini tayari amefanyiwa upasuaji.

Mashabiki na waandishi wa habari walijazana katika hospitali ya Medica Uruguaya.

Huku akisindikizwa na madaktari wengine wa timu ya taifa, Suarez alionekana kuwa mtulivu kupita kiasi.

Juhudi zinafanyika apone mara baada ya kuwa ameumia mazoezini, lakini inaonekana mshambuliaji huyo wa Liverpool ana nafasi ndogo sana ya kurejea na kucheza Kombe la Dunia.