RONALDO, 50 CENT WATUA MADISON SQUARE KUMSHUHUDIA COTTO AKIMCHAKAZA MARTINEZ

Nyota wa Ureno, Cristiano Ronaldo ameonekana akiwa na mpenzi wake Irina Shayk ambaye ni mwanamitindo maarufu walipokwenda kushuhudia pambano kali la ngumi za kulipwa kati ya Miguel Cotto dhidi ya Sergio Martinez.

Ronaldo ambaye yuko katika maandalizi ya mwisho ya Kombe la Dunia, alitua kwenye ukumbi maarufu duniani wa Madison Square Garden jijini New York, Marekani akiwa na mpenzi wake huyo na kushuhudia pambano kali, ambapo Cotto alimchakaza Martinez na kubeba ubingwa wa dunia wa WBC katika uzito wa middle.

Ronaldo, 29, alikuwa katika ya nyota kivutio waliokuwa kwenye pambano hilo, huku mwingine akiwa ni maarufu 50 Cent.