VIJANA CHINI YA MIAKA 15 WATUA KIFUA MBELE DAR

Timu ya taifa ya vijana wa chini ya miaka 15 imewasili jioni hii ikitokea nchini Botswana ambapo ilikuwa ikishiriki michuano ya vijana.

Timu hiyo ilifanikiwa kufika fainali lakini ikaambulia nafasi ya pili baada ya kupigwa na Nigeria kwa mabao 2-0. 

Timu zilizoshiriki michuano hiyo zililalamika kuwa Nigeria walipeleka vijeba.

Baada ya kuwasili kwenye Uwanja wa Ndege wa Kimataifa wa Julius Nyerere, vijana hao walipokewa na Rais wa TFF, Jamal Malinzi pamoja na ndugu zao ambao waliwafika mashada ya maua.