HATIMAYE KIPA WA COSTA RICA AFUNGUKA KUHUSU MADRID

Hatimaye kipa nyota wa Costa Rica, Keylor Navas amefunguka kuhusiana na dili lake kwenda Real Madrid.

Navas amesema yuko katika mazungumzo na Madrid na ameliacha suala hilo kwa klabu mbili.

“Tuko katika hatua nzuri na mazungumzo yanaendelea, hivyo nimekaa ninasubiri na sijasaini kokotr.

“Mambo yakienda vizuri kati ya Madrid na Levante, basi nitahamia Madrid. Naendelea kusubiri,” alisema Navas.

Navas alikuwa mmoja wa makipa waliofanya vizuri sana kwenye michuano ya Kombe la Dunia iliyomalizika siku chache zilizopita nchini Brazil.