ULILIGUNDUA HILI, COUTINHO, JAJA WOTE WALITUA DAR NA MASHATI YA PINKI

  

JAJA BAADA YA KUWASILI AKIWA NA BHINDA NA KIZUGUTO.

Wabrazil ni kati ya watu wanaoamini suala la bahati, kama ambavyo Waafrika wengi wamekuwa wakiamini.

Wachezaji wawili wa Yanga, Andrey Coutinho na Geilson Santana waliwasili nchini kwa nyakati tofauti lakini kivutio wote walikuwa wamevaa mashati ya pinki.

Coutinho alitangulia kuwasili nchini, alikuwa amevaa shati la rangi ya pinki, huenda Yanga wangependa awe amevaa njano lakini haikuwa hivyo.

COUTINHO AKIWA NA KIZUGUTO

Halafu baada ya takribani wiki tatu, Jaja naye alitua nchini, akiwa na shati la rangi ya pinki, tena iliyokolea zaidi.

Hali hiyo ilisababisha baadhi ya mashabiki wa Yanga kuanza kuhoji vipi avae nguo ambayo inaonekana ni kama nyekundu.

Lakini walitulizwa na kuelezwa rangi hiyo ni pinki halafu halikuwa jambo kubwa sana.

Ukiangalia picha za Wabrazil hao wawili utaona, kwamba hawafahamiani, lakini wote walivaa nguo za pinki. Je, zina maana kwao hasa katika suala la bahati?