LOGARUSIC AZUIA WALE WANAOFANYA MAJARIBIO SIMBA

Kocha Mkuu wa Simba, Zdravko Logarusic amesema huu si wakati wa wachezaji wengi kufanya majaribio katika kikosi chake.

Logarusic amesema atawapunguza wachezaji karibu wote waliokwenda kufanya majaribio katika kikosi chake.

“Kama kuna mchezaji tunamhitaji kwenye nafasi fulani, tayari ninajua kuhusiana na uwezo wake hapo itakuwa sahihi kwa kuwa nitataka kujiridhisha.

“Lakini suala la kutaka kuwaona wachezaji wanafanya nini au ndiyo watumie muda mwingi wa majaribio, sasa si wakati wake.

“Kipindi hiki ni kwa ajili ya maandalizi ya msimu na tunatakiwa kuwa makini kwa kuwa ukicheza sasa, ujue umepotea msimu mzima,” alisema Logarusic.

Simba inafanya mazoezi yake kwenye gym ya Chang’ombe na jioni imekuwa ikijifua kwenye Uwanja wa Chuo Kikuu cha Dar es Salaam (UDSM).