MAKALA: JEZI ZA MBWA ZA NEYMAR, KONDOM, ZATIA FORA KWA MAUZO KOMBE LA DUNIA

BRAZIL

WAKATI wa mechi za Ligi Kuu Bara, wafanyabiashara hutegemea kuuza ice cream, machungwa, jezi na vitu vingine vidogovidogo.

Wakati wa Kombe la Dunia, mambo huwa tofauti na safari hii nchini Brazil, vitu ambavyo vimekamata mauzo vimekuwa si vile vilivyotarajiwa.

Jezi ni kawaida, lakini safari hii zile ambazo huvaliwa na wanyama aina ya mbwa, stika za Panini na mipira ya kiume ni kati ya vitu vilivyotia for a wakati michuano hiyo inaendelea!

ARGENTINA

Jezi za mbwa:

Kawaida ubunifu ni kitu bora, watu wengi wa Ulaya na Amerika Kusini huongozana na wanyama na hasa mbwa.

Wengi huwanunulia jezi ili kuendena na muonekano wa mashindano kama hayo ya Kombe la Dunia.

ITALIA

Jezi ya Neymar yenye namba 10 ndiyo imeshika namba moja kutokana na mashabiki wengi kuwanunulia mbwa wao.

Mbwa wadogo na wale wakubwa wameonekana kwa wingi wakiwa wamevaa jezi hizo za Neymar zenye namba 10 mgongoni.

Kila jezi imekuwa ikiuzwa kwa fedha inayolingana na dola 1o tu (Sh 16,5000). Na wengi wameonekana kuvutiwa na jezi ya Neymar.

HISPANIA&UHOLANZI

Kondom:

Kila yanapofanyika mashindano makubwa, kumekuwa na utaratibu wa kutengeneza mipira ya kiume maalum kwa ajili ya michuano hiyo.

Ilitengenezwa mipira 850,000 ya kiume kwa ajili ya michuano hiyo. Kila pakti moja yenye mipira mitatu imekuwa ikiuzwa kwa dola 1.39 katika maduka mbalimbali hasa katika miji ambayo mechi za Kombe la Dunia, zinapigwa.

Mipira hiyo ya kiume maarufu kama kondomu imekuwa kati ya vitu vilivyonunuliwa kwa wingi zaidi kwa kuwa yote 850,000 imeisha hata kabla ya kuanza kwa hatua ya robo fainali hiyo jana.

ENGLAND

Bosi wa kampuni ya DKT International, Daniel Marun amesema: “Imekwisha na tunalazimika kuagiza idadi kama hiyo iliyoisha, huenda watu wengi wananunua kwa wingi kwa ajili ya kupeleka zawadi watakaporejea nyumbani.”

Pamoja na mauzo hayo ya juu ya kondomu katika Kombe la Dunia, inaelezwa rekodi hiyo itavunjwa wakati wa Michezo ya Olimpiki ya kipindi cha joto itakayofanyika mwaka 2016.

UJERUMANI

Stika za Panini:

Zimekuwa zikitengenezwa tokea Kombe la Dunia mwaka 1970. Hizi ni zile picha za wachezaji ambazo unaweza kubandika kwenye gari, jokofu na kwingine.

Lakini pia ziko zinazohifadhiwa kwenye albamu na zinakuwa na picha za wachezaji wa timu mbalimbali.

Kutokana na kuuzwa sana ilifikia bei zake zikapanda hadi dola 200 (zaidi ya Sh 340,000) kwa albamu nzima ya picha hizo na inaelezwa mitandao ya kijamii ya Facebook na Twitter, ndiyo ilichangia mauzo yake.

Jezi za Ujerumani:

Kampuni ya vifaa vya michezo ya Adidas, imetangaza kuwa jezi zote za timu ya taifa ya Ujerumani zilipolekwa Brazil, zimeuzwa kwa asilimia kuanzia 80 hadi 90.

Adidas wamesema hadi itakapofikia mabingwa kupatikana Juni 13, wanaamini watakuwa wameuza jezi milioni nane za Ujerumani.

Mkurugenzi Mtendaji Mkuu wa Adidas, Herbert Hainer amesea wanaweza kuuza jezi milioni mbili zaidi ya hizo kama Ujerumani itashinda mechi zake za robo na nusu fainali.

Bendera:

Bendera kubwa nyepesi ambazo zinaonekana kwenye viwanja mbalimbali, nazo zimenunuliwa kwa kiasi kikubwa.

Mfano, baada ya Algeria kuvuka na kuingia hatua ya 16 bora, mashabiki wa timu hiyo walikuwa wakihaha huku na kule kuzitafuta bendera hizo tena walikuwa tayari kuzinunua mara mbili au tatu kutoka bei ya kawaida.

Lakini bendera za nchi mbili, Hispania na England ambazo zilikuwa zinaongoza kwa mauzo zilidorora baada ya timu zao kutolewa mapema.

Jezi:

 Kwa upande wa jezi za wachezaji, walioshika nafasi tatu za juu ni Neymar ambaye yuko nyumbani Brazil, Robin van Persie hasa baada ya kufunga bao la kupaa katika mechi dhidi ya Hispania.

Lakini nahodha wa Marekani, Clint Dempsey amewashangaza wengi baada ya kushika nafasi ya tatu kutokana na jezi zake kununuliwa kwa wingi zaidi akienda sawa na mshambuliaji wa Mexico, Javier Harnandez ‘Chicharito.

Kwa upande wa timu, kabla haijaondolewa mashindano, jezi za Mexico ndiyo zilikuwa zikinunuliwa zaidi.