CHEKI REFA WEBB ALIVYOFUNGA PENALTI KAMA ILE YA PIRLO

 Refa Howard Webb ambaye ni maarufu kwa kutoa penaltui hasa Manchester United ikiwa inacheza, naye amezawadiwa penalti.

Baada ya kupata penalti hiyo katika mechi ya hisani akiichezea klabu ya ‘kitaani’ kwao ya Barnsley, Webb aliupachika mpira wavuni kitaalamu kwa staili ya panenka kama ile ambayo alifunga kiungo nyota wa Italia, Andrea Pirlo.

Pirlo alifunga mkwaju wa panenka katika mechi ya michuano ya Euro 2012 wakati Italia ilipoivaa England.

Mara baada ya kufunga penalti hiyo, Webb alionyesha kituko kingine, badala ya kushangilia na wachezaji wenzake alimfuata mwamuzi na kumbusu kwenye paji la uso.

Webb ndiye alichezesha fainali ya Kombe la Dunia mwaka 2010 katika ya Hispania dhidi ya Uholanzi, fainali ambayo SALEHJEMBE aliishuhudia live jijini Johannesburg, Afrika Kusini.