MAXIMO HATAKI TENA MAMBO YA BONGO MOVIE

Kocha Mkuu wa Yanga, Mbrazili Marcio Maximo, ameibuka na kusema kuwa kwa sasa hatashiriki katika uigizaji kama alivyofanya miaka ya nyuma.

Maximo alionekana kwenye muvi moja ya ‘Septemba Eleven’ pindi alipokuwa akikinoa kikosi cha Taifa Stars lakini majukumu aliyonayo hivi sasa, yamemfanya awe bize sana.

Maximo amesema kipindi kile alipata fursa ya kuigiza kwa kuwa alikuwa ana muda wa kufanya hivyo kwa kuwa majukumu ya Stars yalikuwa hayabani sana.

 “Kipindi kile nilipata likizo ya wiki moja na nilipofuatwa na Bongo Muvi wakitaka niigize, nikaona si vibaya kuwakubalia ombi lao na tukafanya kazi.

“Kwa sasa nina mambo mengi ndani ya Yanga kwa hiyo sina muda wa kufanya tena kama vile lakini ninafurahi jinsi Bongo Muvi wanavyonikubali na mimi nafurahia pindi ninapoona mafanikio yao,” alisema Maximo.