BAYSER: SIMBA, YANGA WALA MSIJE, HATUUZI MCHEZAJI HATA MMOJA

Bosi mkubwa kabisa wa Mtibwa Sugar, Jamal Bayser amewaambia Simba na Yanga, wala wasijisumbue kutaka kuwanunua wachezaji wa kikosi chake.

Bayser amesema hawana mpango wa kuuza mchezaji hata mmoja katika kipindi hiki.

Hivyo Simba na Yanga hawana sababu ya kupoteza muda wao kwenda Mtibwa Sugar na kutaka wachezaji.

SALEHJEMBE:  Vipi kuhusiana na taarifa za Simba kutaka kuwasajili Ame Ali na Kessy?

BAYSER: Hakika tunazisikia kwenye vyombo vya habari tu.

SALEHJEMBE:  Labda wakija, mko tayari kuwaachia?

BAYSER: Kweli hatutauza mchezaji hata mmoja, hivyo hakuna sababu ya wao kujisumbua. Hata Yanga nilisikia sijui wanataka wachezaji wa Mtibwa, halikadhalika nawashauri wale wasipoteze muda, hatutauza mchezaji hata mmoja.

SALEHJEMBE: Soka ni biashara, vipi hamuuzi wachezaji?

BAYSER: Hii ni mipango yetu kwa sasa, tunaweza kuuza hapo baadaye lakini si sasa, hivyo watuelewe.

SALEHJEMBE:  Mnahofia kubomoa kikosi?

BAYSER: Hiyo ni sehemu ya hofu yetu. Lakini tuna malengo na tunajua tumepanga nini.

SALEHJEMBE:  Nashukuru kwa ushirikiano.

BAYSER: Ahsante, karibu.