KARASHANI KUZIKWA KESHO SINZA, MUNYUKU KUAGWA DAR KESHO, KUZIKWA MOROGORO

Mwili wa mwandishi Baraka Karashani unatarajiwa kupumzishwa kesho kwenye makaburi ya Sinza jijini Dar es Salaam.

Msiba uko kwao Sinza karibu na Mawasiliano Tower au ile stand mpya.

Kwa upande wa Innocent Munyuku, yeye anatarajia kuagwa kesho na wakazi wa Dar es Salaam pale kwenye hospitali ya Lugalo.

Wanahabari hao, wote wamefariki jana jijini Dar es Salaam.

Msome Katibu Mkuu wa Taswa, Amir Mhando aliyozungumza.

"Habari wadau, naomba kuwajulisha kuwa mazishi ya aliyekuwa mwanachama mwenzetu wa Chama cha Waandishi wa Habari za Michezo Tanzania (TASWA), Baraka Karashani, aliyefariki jana, yatafanyika kesho alasiri katika makaburi ya Sinza, Dar es Salaam. 

Tunaomba tushirikiane katika kuhifadhi mwili wa mpendwa wetu, ambapo sekreterieti ya TASWA imemteua Majuto Omary ambaye ni Mwenyekiti wa TASWA FC, Mwani Nyangassa ambaye ni Mjumbe wa Kamati ya Utendaji na Zena Chande Mhazini Msaidizi  kusimamia michango mbalimbali kutoka kwa waandishi wa habari za michezo nchini kwa ajili ya msiba huo. 

Nawasilisha, Amir Mhando, Katibu Mkuu TASWA, 20/11/2014."