UBAO WA SIMBA WAMCHOSHA BEKI JORAM MGEVEKE

MGEVEKE

Beki wa Simba, Joram Mgeveke hafurahii maisha ya kubaki benchi tokea alipotua Msimbazi akitokea Lipuli FC ya Iringa, mwanzoni mwa msimu huu na tayari ameanza kufikiria kuhamisha makazi.

Mlezi wa Lipuli FC, Cpryan Gwivaha amekiri kutafutwa na Mgeveke kuhusu kutaka kuondoka Simba lakini akamsihi abaki, ipo siku anaweza kupata namba.

“Mgeveke ameniambia mara kadhaa kuwa ni bora aondoke maana anaona kipaji chake kinakufa, amekuwa ni mtu wa benchi na ikumbukwe bado ni kijana mdogo, nimemwambia ajitahidi mazoezini ipo siku kocha atamkubali,” alisema Gwivaha.

Alipoulizwa Katibu wa Simba, Stephene Ally, juu ya suala hilo alisema kuwa suala la mchezaji kuondoka litatokana na mahitaji ya kocha.