ABDI BANDA ANAUMWA, AKIENDA HOSPITALI, HAWONI KITU!

BANDA (KUSHOTO) AKIWA MAZOEZINI NA JOSEPH OWINO.

Kiungo mkabaji wa Simba, Abdi Banda, ametamka kuwa hajielewi kutokana na kuumwa gonjwa la ajabu ambalo yeye binafsi haelewi limetokana na nini kwa sababu madaktari wamesema haumwi ugonjwa wowote wakati yeye anajua anaumwa.

Kiungo huyo ambaye amekuwa nguzo katika kikosi cha Simba siku za hivi karibuni, juzi Jumatano alilazimika kuwa mtazamaji wakati Simba iliposhuka dimbani kumenyana na Mgambo JKT ya Tanga katika mchezo uliopigwa kwenye Uwanja wa Taifa, Dar.

Banda amesema, alifanyiwa vipimo hospitalini lakini majibu yakaonyesha hana ugonjwa wowote, jambo ambalo linazidi kumuweka katika wakati mgumu.

“Yaani hata sijielewi, maana mimi naumwa lakini hospitali wanasema siumwi. Hali hiyo imesababisha niwe nje ya uwanja na sijui nitarudi lini. Nilishindwa kukitumikia kikosi changu katika mchezo uliopita kwa sababu hiyohiyo,” alisema Banda kwa masikitiko.

Alipoulizwa daktari wa Simba, Yasini Gembe juu ya ugonjwa huo alisema: “Muulize msemaji ndiye atakupa jibu.” Alipopigiwa simu msemaji wao, Haji Manara alisema: “Nipo njiani naenda mazoezini nitafute baadaye.”


Kocha: Viongozi Simba wanamvuruga Sserunkuma