YANGA KAMILI, WANAONDOKA SAA TANO NA NUSU USIKU HUU KWENDA TUNISIA

WACHEZAJI WA YANGA, COUTINHO, JERRY TEGETE NA MRISHO NGASSA WAKIWA KWENYE UWANJA WA NDEGE WA JNIA MUDA MFUPI KABLA YA KUONDOKA KWENDA TUNISIA.

 Kikosi kamili cha Yanga kinatarajia kuondoka leo saa 5 na nusu usiku kwenda nchini Tunisia kuwavaa Etoile du Sahel.

Yanga inaondoka na ndege ya Emirates kupitia Dubai hadi Tunis, baadaye watasafiri hadi Sousse kwenda kuwavaa Etoile katika mechi ya pili ya Kombe la Shirikisho.

Mechi ya kwanza jijini Dar es Salaam, ilimalizika kwa sare ya mabao 1-1 na Yanga inatakiwa kushinda au sare ya kuanzia mabao 2-2.

Wachezaji wa Yanga walionekana kuwa watulivu na waliwasili kwenye Uwanja wa Ndege wa Julius Nyerere (JNIA) jijini Dar es Salaam mapema kabisa.

NIZAR KHALFAN, MBUYU TWITE NA KELVIN YONDANI...

“Wachezaji wako vizuri, tunaanza safari ndefu ya kwenda Tunisia. Wanayanga na Watanzania wanaopenda maendeleo ya soka la nchi yetu watuombee,” alisema Mkuu wa Kitengo cha Habari na Mawasiliano cha Yanga, Jerry Muro.

Mechi hiyo imepangwa kuchezwa Jumamosi ingawa Waarabu hao walikuwa wakigeuzageuza.

MURO AKIWA NA SHERMAN