STAND UNITED YAANZA KAZI YA KUSAKA MRITHI WA MNIGERIA ALIYETUA COASTAL

Uongozi wa Stand United, umeanza kazi ya kumsaka kiungo mpya mshambuliaji kwa ajili ya kuziba pengo la Abasilim Chidebere aliyejiunga na Coastal Union.

Mkurugenzi wa Ufundi wa Stand United, Muhibu Kanu amesema wako kwenye mchakato kupata mrithi wa Chidi raia wa Nigeria.

"Hakika tunaweza kusema Chid ni mtu aliyefanya kazi yetu vizuri na tunamshuruku sana.

"Lakini sasa tuko katika mikakati ya kufanya kila linalowezekana ili kupata mrithi wake. Imani yetu kubwa tutapata mtu ambaye atafanya vema," alisema.

Chid ambaye alianza kuchezea Taswa FC kabla ya kung'ara akiwa na Stand United ya Shinyanga, amejiunga na Coastal Union kwa mkataba wa mwaka mmoja.