MATOLA ASEMA, TAYARI WAMEANZA KAZI, YA YANGA WAMEISHASAHAU

Simba imeendelea na mazoezi yake kwenye Uwanja wa Boko Veterenani jijini Dar es Salaam huku Kocha Msaidizi, Selemani Matola akisema nguvu wameelekeza kwenye mechi dhidi ya Stand United Jumatano, wamesahau mambo ya kupoteza dhidi ya Yanga.

Simba ilipoteza kwa mabao 2-0 dhidi ya Yanga katika mechi ya Ligi Kuu Bara kwenye Uwanja wa Taifa jijini Dar, Jumamosi. 

“Katika soka kuna matokeo yanayojulikana, kweli tumepoteza lakini utaona tulicheza vizuri na kupata nafasi nzuri lakini hatukuzitumia.

“Sasa tunaachana na ishu ya kupoteza, badala yake tunarekebisha makosa kutokana na mechi iliyopita baada ya hapo tunaendelea kupambana,” alisema Matola.

Kikosi hicho chini ya Dylan Kerr na usaidizi wa Matola, kimeendelea na mazoezi kwenye uwanja huo huo wa Boko Veterani kwa ajili ya mechi hiyo ya kesho ambayo itakuwa ni ya tano kwa Simba, msimu huu.