Uongozi wa Yanga umetinga katika Ofisi za
Shirikisho la Soka Tanzania (TFF) kuomba vibali vya wachezaji wake wanane ili
waweze kupata uhalali wa kuichezea timu yao katika msimu ujao wa Ligi Kuu Bara.
Yanga imesajili wachezaji wapya saba ambao ni
Donald Ngoma, Vincent Bossou, Thabani Kamusoko, Deus Kaseke, Malimu Busungu,
Geoffrey Mwashiuya, Mudathir Khamis na
Simon Matheo.
Katibu Mkuu wa Yanga, Dk Jonas Tiboroha amesema
wamepeleka barua TFF kuomba vibali vya wachezaji hao pamoja na ‘ku-renew’ vile
vya wachezaji waliokuwepo kikosini tangu awali.
“Tumepeleka barua TFF ya kuomba vibali vya
wachezaji wetu wanane baada ya kukamilisha zoezi la usajili msimu huu kwa
mujibu wa taratibu, mambo yakienda vizuri tutawatumia msimu huu,” alisema
Tiboroha.
Straika Ngoma ni miongoni mwa nyota wa Yanga
wanaotarajiwa kufanya vizuri katika kikosi cha timu hiyo kwenye mechi za Ligi
Kuu Bara ikiwemo ile ya watani dhidi ya Simba, Septemba 26, mwaka huu.
0 COMMENTS:
Post a Comment