YANGA YAANZA KAMBI YA KARIAKOO KUJIANDAA NA DAKIKA 180 ZA TANGA

Chini ya Kocha Hans van Der Pluijm, Mabingwa wa soka Tanzania, Yanga wameanza kambi Kariakoo jijini Dar es Salaam.

Yanga imeanza kambi ya siku chache na baada ya hapo wataondoka kwenda mjini Tanga kabla ya mechi yao Jumamosi.

Meneja wa Yanga, Hafidh Saleh amesema kambi imekuwa Dar es Salaam baada ya ile ya Bagamoyo kushindikana.

“Mechi mbili za Mgambo na African Sports zinatusubiri, kambi ni sehemu ya maandalizi ya mechi hizo.

“Awali ilikuwa Bagamoyo, lakini kuna sababu zisizozuilika, sasa tuko Kariakoo kabla ya kwenda Tanga ambako tutakaa huko wakati tukicheza mechi zote mbili,” alisema Hafidh.

Yanga inaendelea na amzoezi kwenye Uwanja wa Boko Veterani jijini Dar es Salaam ambao itaendelea kuutumia.