HIVI NDIVYO BANANA ZORRO ALIVYONG’ARISHA UZINDUZI WA KIWANJA BOMBA CHA JOZI LOUNGE

STAA wa muziki wa Bongo Fleva anayeupiga kwa njia ya bendi, Banana Zahir Zorro, usiku wa kuamkia jana aliwapagawisha vilivyo  mashabiki wake kwenye uzinduzi wa klabu mpya ya burudani ya Jozi Lounge iliyopo Msasani Village karibu na shule ya msingi Msasani jijini Dar es Salaam.

Uzinduzi huo uliokatwa utepe na mmiliki wa klabu hiyo, Dismas Massawe, ulifanyika usiku mnene huku ukishuhudiwa na mamia ya mashabiki wa burudani ambao walijitokeza ambapo Banana  kupitia timu yake ya B-Band alisongesha burudani.

Tayana akiwa kwenye pozi

Akifanya makamuzi  muda mfupi tu baada ya  uzinduzi kufanywa, Banana  alitangaza kuwa kila siku ya Jumamosi bendi yake itakuwa ikifanya makamuzi hapo, hivyo akawataka mashabiki wajitokeze kwa wingi ili  kupata burudani ya kipekee.

“Nimefurahi sana leo kukutana na mashabiki wangu kwenye tukio hili la uzinduzi hivyo nitumie fursa hii pia kuwatangazia kwamba tutakuwa tukitumbuiza hapa kila siku ya Jumamosi, hivyo naomba mashabiki wangu wote tuwe tunakutana hapa kupata muziki mzuri na vinywaji safi kwa bei poa,” alisema Banana Zorro.

 Mapozi yalitawala kwa mashabiki waliofika hapo

Mbunifu wa mavazi nchini,  Rhemtulah (kulia) akiwa na jamaa zake kwenye uzinduzi huo

Dismas Massawe (kulia) akiwa na Banana Zorro

Wadau kama kawa...

Dismas Massawe, Tayana na wadau waliojitokeza kwa wingi.

Habari/Picha: Musa Mateja/GPL.