KOCHA IDDI AELEZA KUHUSIANA NA KAZI YAKE MPYA HARAMBEE STARS

SALIM (KATIKATI), SIKU ALIPOWASILI.

Aliyekuwa Kocha wa Makipa wa Simba, Iddi Salim ataanza rasmi kazi Harambee Stars wiki chache zijazo.

Salim amerejea Harambee Stars kwa mara nyingine, kabla aliwahi kuifundisha pamoja na klabu ya Harambee Stars ikiwa chini ya Kocha Bobby William ambaye hivi karibuni ametupiwa virago Harambee Stars.

Salim amezungumza na SALEHJEMBE kutoka Nairobi na kusema ataanza kazi hivi karibuni.

“Kweli nimerejea Harambee Stars, ila bado hatujaanza kambi. Nafikiri baada ya wiki moja au mbili tutaanza kazi.

“Niko na kocha mkuu Stanley Okumbi, huyu aliwahi kufundisha Mathare United pamoja na Kariaobangi Stanley na wote tuko kwenye timu ya vijana ya chini ya miaka 20 pia,” alisema Iddi.

Kocha huyo na Kocha Dylan Kerr, walitupiwa virago kutoka Simba na sasa Kerr anaendelea na maisha yake nchini England.