CANNAVARO AELEZA ALIVYOFURAHISHWA NA KIWANGO CHA YANGA NGAO YA JAMII

Nahodha wa Yanga, Nadir Haroub Cannavaro amesema, amefurahishwa na wachezaji wenzake namna walivyopambana katika mechi dhidi ya Simba, jana.

Yanga ilicheza na Simba na kulala kwa mikwaju ya penalti 5-4 na Simba kubeba Ngao ya Jamii.

Lakini Haroub maarufu kama Cannavaro amesema, amefurahishwa kuona Yanga wakionyesha kiwango bora kabisa.

“Kweli wenzangu wamejitahidi sana, wameonyesha kiwango cha juu kabisa. Sioni cha kulaumu au kulalamika,” alisema Cannavaro ambaye hakucheza mechi hiyo.